Polisiemanne vry ná 'verkragting' in toilet
2013-02-01 10:00
Kaapstad – Twee polisiebeamptes is vrygespreek op aanklag dat hulle 'n vrou in 'n toilet by 'n polisiekantoor verkrag het, is Vrydag berig.
Regter Patrick Goliath het Donderdag in die Wes-Kaapse hooggeregshof beslis dat die vrou se dade met die voormalige ao. Theodore Syster, die indruk geskep het dat die seks vrywillig was, het die Cape Times berig.
Syster het aanvanklik saam met twee ander polisiemanne, Jade Fillies en Theo van Wyk, en Beverly Carelse, 'n klerk, in die hof verskyn.
Fillies is die enigste persoon wat veroordeel is op 'n aanklag wat verband hou met die voorval. Hy is skuldig bevind op aanklag van crimen injuria omdat hy 'n gedeelte daarvan op 'n selfoon afgeneem is.
Syster en Fillies het die vrou en haar kêrel op 15 Junie 2010 in hegtenis geneem nadat hulle in 'n stilstaande motor gesoen het. Bewyse voor die hof was dat die vrou se broek afgetrek was.
Volgens die koerant het die vrou aan die hof gesê sy het die toilet by die Elsiesrivier-polisiekantoor gebruik toe Syster inbars en haar begin soen.
Die vrou het na bewering saamgespeel deur te giggel en hom te soen sodat hy haar moet uitlos. Sy het gesê sy was bang omdat hy 'n vuurwapen gehad het.
Syster se weergawe van die storie was dat die seks konsensueel was.
Goliath het bevind dat die vrou nee kon gesê het en het gevra hoekom sy nooit die beweerde verkragting aangemeld het nie.
– Volg Nuus24 op Twitter
- SAPA
