Polisiemanne soek berading ná 'verkragting'
2011-12-14 14:30
Johanesburg – Twee polisiebeamptes wat daarvan beskuldig word dat hulle 'n vrou van Paulshof verkrag het, sê hulle wil gaan vir berading.
Die polisiemanne sê ook hulle wil so gou as moontlik terugkeer werk toe.
Hulle is Woensdag elk op borgtog van R2 000 in die Alexandra-landdroshof toegestaan.
Die polisiebeamptes het die vrou na bewering vroeë vandeesmaand verkrag nadat hulle haar en haar suster in Paulshof afgetrek het.
Die vrou se suster is na bewering 'n paar meter verder in 'n ander voorval verkrag.
Jaya Moodley, regsverteenwoordiger van die polisiemanne, het gesê hulle is erg geraak deur die voorval.
"Ons kliënte is op die oomblik verlig, maar hulle wil dadelik 'n sielkundige en 'n psigiater sien."
Ian Levitt, wat die susters verteenwoordig, het gesê die ondersoekbeampte het gefaal in sy taak.
– Lees meer hier
– Volg Nuus24 op Twitter