Polisieman, verdagte sterf in gru-ongeluk

2013-01-10 14:07

Johannesburg – 'n Motoris en 'n polisiebeampte het gesterf toe die bestuurder weggejaag en 'n ongeluk gemaak het, terwyl die beampte besig was om sy motor te deursoek.

Lt.kol. Lungelo Dlamini sê twee polisiemanne het die man in sy Audi R8 in Rosebank, Johannesburg, afgetrek.

'n Klein hoeveelheid dagga is in die motor gevind en die motoris het skielik weggejaag terwyl 'n polisieman nog in die motor was.

Dlamini sê die man het beheer oor sy voertuig verloor en in 'n boom in Oxfordweg vasgejaag, 'n muur en toe 'n ligpaal getref.

Die motoris en die polisieman is albei op die toneel dood verklaar.

Hul name sal nie genoem word voordat hul naasbestaandes in kennis gestel is nie.

Ooggetuies sê die impak het die voertuig in drie stukke laat skeur.

Volg Nuus24 op Twitter

- SAPA