Polisieman sterf in botsing
2011-08-25 15:58
Johannesburg – 'n Polisiebeampte is dood nadat sy motor, wat deur 'n vriend gesleep is, teen 'n polisievoertuig in Protea-Noord, Soweto, gebots het, het die Johannesburgse nooddienste gesê.
Die polisiebeampte was nie aan diens nie.
Percy Morokane, woordvoerder, het gesê die 29-jarige polisiebeampte, wat van diens af was, se motor is deur 'n vriend gesleep toe 'n polisievoertuig vermoedelik in die teenoorgestelde rigting in hul baan gery het.
Die vriend het stilgehou en die polisiebeampte het sy motor in die teenoorgestelde baan gedraai om die botsing te verhoed, maar dit was te laat.
Die polisiebeampte is met paramedici se aankoms op die toneel dood verklaar.
Die polisiebeamptes wat in die polisievoertuig was, is beseer en word by 'n plaaslike hospitaal behandel.
– Volg Nuus24 op Twitter
- SAPA