Polisieman sterf, 5 beseer in botsing
2009-10-17 01:20
Johannesburg – ‘n Man wat glo ‘n polisiebeampte is, is Vrydag tydens ‘n kop-aan-kop botsing naby Pretoria dood. Vyf ander mense is tydens die ongeluk beseer.
Werner Vermaak, woordvoerder vir ER24, sê ooggetuies het op die toneel aan paramedici gesê dat ‘n polisievoertuig met ‘n Toyota Conquest op die M26 naby Erasmia verongeluk het.
"Paramedici het ‘n man, wat moontlik ‘n polisiebeampte is, op die toneel gevind. Hy het op die agterste sitplek gesit en is aan sy beserings dood,” het Vermaak gesê.
Drie ander polisiemanne is op die toneel behandel en is in ‘n stabiele toestand. Die bestuurder van die Toyota en sy 10-jarige seun het ook beserings opgedoen. Al die slagoffers is na die hospitaal geneem vir verdere behandeling.
- SAPA