Polisieman sit lewenslank vir moord op sy meisie
2012-01-20 23:00
Johannesburg – ‘n Polisiebeampte is Vrydag in die Durbanse hooggeregshof tot lewenslange tronkstraf gevonnis nadat hy sy meisie vermoor het, het die Onafhanklike Klagtesdirektoraat (OKD) gesê.
Konst. Thabane Dube (29) het Zodwa Shongwe in Maart 2009 voor haar tweejarige seun in die Kenville- informele nedersetting doodgeskiet, het Moses Dlamini, ‘n woordvoerder vir die OKD, gesê.
“Dube is op die aand van die moord in hegtenis geneem en sedertdien in aanhouding gehou,” het Dlamini gesê.
Hy is in Desember 2011 ná talle hofverskynings op aanklag van moord skuldig bevind.
Die motief vir die moord is nie bekend nie.
Volg Nuus24 op Twitter
- SAPA