Polisieman kry 45 jaar vir kinderpornografie
2012-11-29 09:27
Johannesburg – ‘n Voormalige polisiebeampte is 45 jaar tronkstraf opgelê vir die besit van kinderpornografie, wat die aanklaer as “die hart van duisternis” beskryf het.
Beeld berig landdros Tiloshni Ramdeyal het André Botha in die Welkom-streekhof tot 45 jaar tronkstraf gevonnis, waarvan hy 15 jaar effektief sal uitdien.
Ramdeyal het gesê sy kon geen versagtende faktore vind nie en het besluit die vonnis sal agter geslote deure plaasvind, soos wat ’n groot deel van die verhoor ook was.
Skokkende foto’s wat seksuele dade met naakte kinders uitbeeld, waarby ook diere betrokke was, is as deel van die hofstukke ingedien.
Charmaine Labuschagne, beheeraanklaer in dié hof, het gesê die afhandeling van die saak is vir haar ’n groot verligting.
“Dit was baie traumaties. Ek het fisiek siek geword elke dag as ek aan die saak gewerk het. Vir meer as ’n jaar het ek dié saak gelééf.”
Die voorvalle het in Bloemfontein, Welkom, Johannesburg, Pretoria, Bronkhorstspruit en Durban gebeur.
Die sake is in Welkom gesentraliseer sodat Labuschagne, wat bekend is om haar suksesse met dié soort sake, dit kon hanteer.
Luidens bankstate het Botha sommige maande tot R8 000 aan die aflaai van kinderpornografie bestee en hy het ’n kleuterskoolonderwyseres R1 000 per naakfoto van kinders aangebied.
Volg Nuus24 op Twitter
- SAPA
