Polisieman in tronk ná doodskoot voor kinders

2013-02-18 11:21

Johannesburg – ‘n Polisiekonstabel is tot 15 jaar tronkstraf gevonnis nadat hy sy vriendin voor haar kinders doodgeskiet het, het die polisie se onafhanklike polisie-direktoraat (Opod) gesê.

Moses Dlamini, woordvoerder, sê konst. Cingakufani Mbiza is ook onbevoeg verklaar om ‘n vuurwapen se besit.

Mbiza (32) het sy vriendin, Cinna Ncada, is in die kop geskiet.

Ncada (23) is voor haar jong kinders doodgeskiet. Hulle was ten tyde van die voorval onderskeidelik drie en vyf jaar oud.

Die skietery het op 28 Mei verlede jaar in die straat op die hoek van Vasco da Gama- en 12de laan in Marlboro, Johannesburg, plaasgevind. Daarna het die polisieman op die vlug geslaan.

Mbiza is by die werk aangekeer nadat die Onafhank­like Polisie-ondersoek­direktoraat (Opod) die saak oorgeneem het.

Dlamini sê die konstabel se vyfjarige seun het verlede week – met behulp van ‘n maatskaplike werker – teen sy pa getuig.

“Ander getuies het ook teen die beskuldigde getuig. Die beskuldigde is aan moord skuldig bevind en tot 15 jaar gevangenisstraf gevonnis."

Volg Nuus24 op Twitter