Polisieman in poel bloed gevind

2009-11-14 19:53

Johannesburg – ‘n Polisieman is Saterdagoggend in 'n poel bloed in sy erf gevind nadat hy op 'n straat in Soweto geskiet is.

Volgens polisie was die polisieman (27) van die Diepkloof polisiestasie en was hy nie aan diens toe die voorval plaasgevind het nie. Hy is rondom 2:00am Saterdagoggend tydens ‘n argument met twee mans dood geskiet.

Supt. Noxolo Kweza sê die man het huis toe gehardloop nadat hy geskiet is en sy lyk is in ‘n poel bloed in sy erf gevind.

Polisie het Saterdagoggend 'n man by ‘n informele nedersetting in Kliptown ondervra wat hulle na ‘n ander eiendom in die area geneem het.

‘n Skietery het gevolg en een van die verdagtes is geskiet. Drie ander is in hegtenis geneem en daar is op ‘n vuurwapen beslaggelê.

- Sapa