Polisieman en twee ander vas vir huisbraak
2010-08-26 00:39
Johannesburg – ‘n Polisiekonstabel en twee mans is in Seshego op aanklagtes van huisbraak in hegtenis geneem, het polisie in Limpopo Woensdag gesê.
Ná ‘n ondersoek in die huisbraak geloods is, is ‘n 22-jarige man Dinsdag in hegtenis geneem en ‘n polisiekonstabel en nog ‘n man, beide 23, is Woensdag in hegtenis geneem, het lt.kol. Mohale Ramatseba gesê.
Polisie het gesteelde goedere met ‘n beraamde waarde van R10 000, insluitende wieldoppe en selfone, teruggekry.
Die konstabel se motor, wat glo gebruik is om die gesteelde goedere te vervoer, sowel as sy dienspistool, is gekonfiskeer.
Die mans sal na verwagting Donderdag in die Sheshego landdroshof verskyn.
Volg Nuus24 op Twitter
- SAPA