Polisielid skiet rower in Addo dood

2011-08-27 18:54

Port Elizabeth – ‘n Polisielid wat van diens af was het ‘n gewapende rower in Addo naby Port Elizabeth doodgeskiet, het die polisie gesê.

Vier gewapende mans het ‘n winkel in Addo Vrydagaand betree en drie mans aangehou, het lt.kol. Priscilla Naidu gesê.

Die rowers het goedere en kontant ter waarde van R2 500 gesteel voor hulle gevlug het.

Naidu het gesê die polisielid het op pad huis toe verby die toneel gestap en die rowers agterna gesit
.
“Hulle het skote op hom afgevuur en hy het terug geskiet,” het sy gesê.

Een van die rowers het ‘n winkelklant as ‘n skild voor hom gehou terwyl die ander drie gevlug het.

Die polisielid het ‘n skoot gevuur wat die klant se arm getref het voor dit die rower se bolyf getref het.

Die rower is op die toneel dood.

Die ander rowers is nie in hegtenis geneem nie.

– Volg Nuus24 op Twitter.
 

- SAPA