Klopjag op OB-kantoor uitgevoer
2011-03-03 11:01
Pretoria – Die polisie se misdaadintelligensie-eenheid het 'n klopjag op die kantore van die Openbare Beskermer (OB) uitgevoer, slegs dae nadat 'n verslag oor 'n eiendomstransaksie waarby genl. Bheki Cele betrek word, vrygestel is.
Dié klopjag het Woensdag plaasgevind en die beamptes was glo op soek na dokumente wat verband hou met dié verslag.
Cele se kantoor het die klopjag veroordeel en sê hy het nie die klopjag gemagtig nie en sal dringende stappe doen teen diegene wat betrokke is.
Adv. Thuli Madonsela, OB, het Cele skuldig bevind op aanklagte van onregmatige gedrag en wanbestuur nadat die polisie 'n huurkontrak van R500 miljoen vir die Sanlam Middestad-gebou in Pretoria goedgekeur het.
Lees meer hier
Volg Nuus24 op Twitter