Polisieklerk in hof vir moord
2011-11-07 18:20
Johannesburg – ‘n Polisieklerk het Maandag in die Bolobedu-landdroshof verskyn op twee aanklagte van moord, het die polisie in Limpopo gesê.
Moses Kgatla (34) het na bewering sy meisie, Malebelo Matatanya (30) en Ramond Lebepe (37) omstreeks 12:00 Vrydag doodgeskiet, het lt. kol. Mohale Ramatseba, woordvoerder, gesê.
Die klerk het Matatanya daarvan beskuldig dat sy hom met Lebepe verneuk het.
Borgtog is nie aan Kgatla toegestaan nie. Die saak is tot 7 Desember uitgestel.
- Volg Nuus24 op Twitter
- SAPA