Polisiebeamptes gewond in skietery

2011-08-02 22:47

Johannesburg – Twee polisiebeamptes is gewond ná die insittendes van ‘n geparkeerde motor in Rustenburg op hulle geskiet het.

Een van die polisiebeamptes is ernstig gewond.

Sy is in die ken, mond en voorkop getref.

Haar kollega is in die knie geskiet.

Die polisiebeamptes was oppad na Photsaneng om ‘n huisrooftog-saak te ondersoek.

Volgens lt.kol. Lesego Metsi, het die skieters weggejaag ná die skietery.

Sestien patroondoppies is op die toneel gevind.

“Ons is nie seker presies hoeveel mense betrokke was nie,” het Metsi gesê.

“Hulle is nog voortvlugtend en niemand is tot dusver in hegtenis geneem nie.”

Volg Nuus24 op Twitter.

- SAPA