'Polisiebeamptes' beroof vrou

2013-01-22 17:01

Johannesburg – Drie mans wat hulle as polisiebeamptes voorgedoen het, het 'n vrou in Grahamstad uit haar geld en selfoon bedrieg, het die polisie in die Oos-Kaap Dinsdag gesê.

Kapt. Mali Govender het gesê die 53-jarige vrou is Vrydag op pad bank toe deur drie mans genader.

"Die man het hul aanstellingskaarte gewys voor hulle haar ondervra het oor 'n beweerde rooftogt wat plaasgevind het.

Hulle het haar gevra om saam met hulle na 'n plaaslike polisiekantoor te gaan en op pad daarheen het een van hulle haar gevra om haar besittings te oorhandig voor sy ingaan.

"Die vrou het gedoen wat die mans gevra het en later besef dat daar geen polisiekantoor is nie en dat die sogenaamde polisiebeamptes verdwyn het," het Govender gesê.

– Volg Nuus24 op Twitter

- SAPA