Polisiebeampte wat vrou skiet kry 18 jaar
2011-12-07 21:03
Durban – ‘n Polisiebeampte by die Umlazi-polisiestasie
in KwaZulu Natal is aan moord skuldig bevind, het die Onafhanklike
Klagtedirektoraat (OKD) gesê.
“Sersant Simphiwe Armstrong Mgozi is tot 18
jaar tronkstraf gevonnis nadat hy sy vrou, Mahlo Precious Zama, doodgeskiet
het,” het Moses Dlamini, 'n woordvoerder, gesê.
Die voorval het op 11 Julie 2011 in Umlazi
plaasgevind.
Die paartjie was besig om te stry toe
die polisiebeampte sy dienspistool uitgehaal het en sy vrou drie keer geskiet het.
“Sy het aan haar wonde beswyk,” het Dlamini
gesê.
Die ondersoek is deur die OKD gelei en Mgozi
is twee dae ná die voorval van moord aangekla.
Die Scottburgh Hooggeregshof het sy vonnis
Maandag opgelê, het Dlamini gesê.
Volg Nuus24 op Twitter.
- SAPA