Polisiebeampte ontvoer, beroof glo man

2012-12-16 15:00

Johannesburg – Drie mense, insluitend 'n polisiebeampte, is in hegtenis geneem nadat hulle glo 'n man in Taung ontvoer, aangerand en beroof het, het die polisie in die Noordwes Sondag gesê.

Die man beweer hy is Saterdag ontvoer, het lt. kol. Lesego Metsi gesê.

Hy het in die huis geslaap toe drie inbrekers hom wakker gemaak, sy hande vasgebind en hom in 'n motor geprop het.

"Die slagoffer beweer die verdagtes het hom aangerand en hom daarvan beskuldig dat hy van hulle gesteel het. Hy het aan die polisie gesê die verdagtes het sy geslagsdele getrek en op hom geurineer voor hulle hom van sy selfoon en geld beroof het," het Metsi gesê.

'n Vroulike konstabel, 'n man en nog 'n vrou is in hegtenis geneem. Hulle sal Dinsdag in die Taung-landdroshof verskyn.
     
– Volg Nuus24 op Twitter

- SAPA