Polisiebeampte in hegtenis vir korrupsie
2012-01-26 18:54
Johannesburg – ‘n Polisiebeampte is in hegtenis geneem nadat hy na bewering geld geëis het by ‘n misdaadslagoffer om ‘n dossier oop te maak, het die polisie in Limpopo Woensdag gesê.
Die 45-jarige sersant is Woensdag by sy huis in Ga Mathabatha in hegtenis geneem nadat ‘n diefstalslagoffer die kwessie gerapporteer het, het lt. kol. Mohale Ramatseba gesê.
Die man het probeer om die klag in te dien by die Apel-polisiekantoor nadat R30 000 en ‘n selfoon van sy werkplek by Atok Mine gesteel is. Die sersant het hom na bewering gevra vir R1 500 om ‘n dossier oop te maak.
“Die polisiebeampte wou geld van die klaer hê sodat hy sy werk kon doen.”
Die slagoffer het R1 200 aan die beampte betaal en toe die polisie se teenkorrupsie-eenheid daarvan ingelig.
Die beampte sal Vrydag in die Sekhukhune-landdroshof verskyn op aanklag van korrupsie.
- Volg Nuus24 op Twitter
- SAPA