Polisiebeampte beseer ná OTM-bomaanval
2012-01-25 18:59
Johannesburg – ‘n Polisiebeampte is beseer nadat twee OTM’s Woensdag in Cullinan, oos van Pretoria, opgeblaas is, het die polisie in Gauteng gesê.
Die rowers het die OTM’s omstreeks 02:00 opgeblaas en ‘n onbekende hoeveelheid kontant gesteel, het lt. kol. Lungelo Dlamini gesê.
“Hulle het ook op polisiebeamptes wat op patrollie was geskiet. Hulle het in drie motors gevlug. Die polisie het nie teruggeskiet nie. ‘n Polisievoertuig is in die skietery beskadig en een beampte is na ‘n hospitaal geneem met ‘n koeëlwond in sy hand.”
Die rowers word nog gesoek.
- Volg Nuus24 op Twitter
- SAPA