Polisiebeampte 10 jaar tronk toe vir verkragting

2012-03-27 21:22

Johannesburg – 'n Voormalige polisiebeampte van Limpopo is Dinsdag in die Tzaneen-streekhof tot 10 jaar tronkstraf gevonnis nadat hy sy eie dogter verkrag het, het die polisie in Limpopo gesê.

Terrence Mohale, wat by die Modjadjiskloof polisiestasie, naby Tzaneen, gestasioneer was, is skuldig bevind dat hy sy 23-jarige dogter tussen 2007 en 2011 verkrag het, het luit. kol. Mohale Ramatseba in 'n verklaring gesê.

Mohale het sy dogter gedreig dat hy haar sou doodmaak indien sy ooit iemand van die voorval sou vertel, het Ramatseba gesê. 

– Volg Nuus24 op Twitter.

- SAPA