Polisie takel misdaad voor 2010
2010-01-26 02:11
Johannesburg – Nadat sowat 235 persone die afgelope naweek tydens verskeie klopjagte in hegtenis geneem is, is die polisie in Johannesburg positief oor hul vermoëns om misdaad hok te slaan voor die Wêreldbeker-sokkertoernooi.
“Die naweek se operasie bewys dat die polisie oor die nodige vaardighede beskik om misdaad te hanteer tydens ‘n groot geleentheid soos die Wêreldbeker-sokkertoernooi,” het kapt. Bhekisizwe Mvundla, polisiewoordvoerder, Maandag gesê.
Die operasie het verskeie eenhede van die polisie ingesluit en het in Hillbrow, Yeoville, Cleveland, Berea en Jeppe plaasgevind.
Verskeie arrestasies vir onder andere gewapende roof, vandalisme, bedrog en dwelmhandel gemaak.
“Ons is optimisties oor die vaardighede van die verskeie eenhede,” het Mvundla gesê.
–Sapa