Polisie soek panga-verkragter
2009-08-21 21:58
Oris Mnisi & Bongekile Mhlanga
Bosbokrand- Polisie in Mpumalanga het ‘n soektog geloods na ‘n reeksverkragter wat van ‘n panga gebruik maak om sy slagoffers stil te hou.
Volgens Robert Makhuvele, polisiewoordvoerder, is daar reeds ses vroue aangeval terwyl hulle hout versamel het.
“Die man bekruip die vroue en dreig hulle dan met ‘n panga voor hy hulle verkrag,” het Makhuvele gesê.
Die verkragtings het in Augustus vanjaar begin en het in Islington, Songeni en Dumphries plaasgevind.
“Dit is duidelik dat dit dieselfde man is wat al ses vroue verkrag het. Die slagoffers kon elkeen ‘n beskrywing van die man gee.”
Makhuvele het ‘n beroep op vroue en jong meisies gedoen om nie alleen te gaan wanneer hulle hout versamel nie.
“Die man is gewapen en uiters gevaarlik. Ons vra dat die gemeenskap ons help om hom op te spoor.”
- African Eye