Polisie skiet man dood

2011-09-26 18:59

Johannesburg – ‘n Man is Maandag doodgeskiet in ‘n skietery met die polisie in Orange Farm, naby Vereeniging, het die polisie in Gauteng gesê.

Volgens kapt. Johannes Motsiri is die 28-jarige man vier maal in sy rug en bors geskiet.

Die polisie het ‘n voorkeer-en-deursoek-operasie in die gebied uitgevoer toe hulle die man genader het. Hy het weggehardloop en op die polisie begin skiet.

“Die polisie het teruggeskiet. Hy is op die toneel dood.”

Geen polisiebeamptes of lede van die publiek is in die skietery beseer nie. Die polisie het beslag gelê op ‘n ongelisensieerde vuurwapen en ammunisie.

- Volg Nuus24 op Twitter
 

- SAPA