Polisie op soek na sersant se moordenaars

2012-07-19 19:53

Johannesburg – Die polisie is op soek na ‘n groep mans wat ‘n Tshwane-metro-polisiebeampte by die Wonderpark-winkelkompleks doodgeskiet het.

Sers. Piet Von Bekkum (51) het gesterf toe hy Donderdag ná ‘n rooftog by die NWJ-juweelwinkel op ‘n kort afstand geskiet is, het Lekgantshi Tleane, ‘n polisiewoordvoerder, gesê.

“Von Bekkum was buite die ingang [van die kompleks] op sy polisiefiets,” het Tleane gesê.

“Hy was waarskynlik onbewus dat ‘n rooftog aan die gang was totdat een van die rowers hom gekonfronteer het...”

“Hy was eenvoudig op die verkeerde plek op die verkeerde tyd.”

Tleane sê die sersant is in die bors geskiet.

Die rowers het met ‘n onbekende hoeveelheid geld weggekom en het ook Von Bekkum se dienspistool gesteel.

Hulle het in ‘n swart bakkie, wat by die ingang gewag het, op die vlug geslaan. ‘n Wit bakkie het hulle agtervolg.

Die swart bakkie is later naby die winkelkompleks gevind.

Polisiebeamptes het intussen bevestig dat die voertuig Woensdagaand in Hillbrow gesteel is.

Die polisie vermoed tussen vyf en sewe mans is verantwoordelik vir die rooftog.

Volg Nuus24 op Twitter 

- SAPA