Polisie op soek na ontvoerde baba in Oudtshoorn

2012-07-02 22:50

Johannesburg – Die polisie was Maandag op soek na ‘n drie week oue baba wat deur ‘n jong vrou in Oudtshoorn ontvoer is, het die polisie in die Wes-Kaap gesê.

Die baba het vermis geraak terwyl sy verlede Donderdag in die teenwoordigheid van ‘n 17-jarige meisie voor die dorp se Spar-supermark was, het kapt. Malcolm Pojie gesê.

Die baba se ma het die kind met haar 14-jarige neef en die meisie gelaat terwyl sy geld by die bank gaan trek het. Met haar terugkeer na die winkel het die meisie met haar baba verdwyn.

Die meisie, wat ‘n vreemdeling was, het die nefie glo gevra om ‘n geheuestokkie met ‘n R10 noot te gaan koop terwyl die ma by die bank was. Sy het in daardie tyd met die baba verdwyn.

Die ma het die voorval Donderdag by die polisie in Bridgeton, Oudtshoorn, aangemeld.

Die jong vrou het ‘n ligte vel. Sy het ‘n blou denim, ‘n kleurvolle bloes met blomme op en ‘n wit baadjie met blou strepe op aangehad.

– Volg Nuus24 op Twitter

 

- SAPA