Polisie ondervra sanger wat uit dood 'herrys'
2012-02-06 12:00
Johannesburg – ‘n Man wat beweer hy is die bekroonde maskandi (tradisionele Zoeloe-volksmusiek) –sanger Kwakhe "Mgqumeni" Khumalo wat uit die dood herrys het, is deur die polisie ingeneem vir ondervraging, het die polisie in KwaZulu-Natal Maandag gesê.
Die polisie het ‘n geregtelike doodsondersoek-dossier geopen en ons het die man gister (Sondag) vir ondervraging ingeneem,” het polisiewoordvoerder kol. Jay Naicker gesê.
“Ons het nie DNS-toetse gedoen of sy vingerafdrukke geneem nie, maar ons sal monsters neem om vas te stel of dit hy is of nie. Ondersoekbeamptes in die provinsie sal die ondersoek lei.”
Khumalo is glo in Desember 2009 dood nadat hy iets gedrink het wat ‘n tradisionele geneesheer aan hom gegee het. Hy is vroeg in 2010 deur sy familie by die KwaGxobanyawo-begraafplaas begrawe.
“Ek het baie gely in die plek waar ek saam met zombies aangehou is. Dit was hel daar en ek is so dankbaar dat ek myself kon bevry en terugkeer na my familie en julle, my ondersteuners,” het The Times hom aangehaal.
Ondersoekbeamptes sal vasstel of die polisie ’n aansoek by die hooggeregshof sal moet indien om Mseleku se beweerde lyk op te grawe.
Nadat die nuus Donderdag gebreek het dat Khumalo by sy familie se huis in Nquthu naby Dundee opgedaag het, het histeriese aanhangers na die dorp gehaas, het berigte oor die naweek gelui.
Naicker het bygevoeg dat ondersoeke Maandag sal voortduur.
– Volg Nuus24 op Twitter
- SAPA