Polisie monitor steeds Lonmin-myn

2012-08-16 08:30

Johannesburg – Die polisie monitor steeds die Lonmin-platinummyn in Marikana, Rustenburg, het ‘n woordvoerder Donderdagoggend gesê

“Geen voorvalle van geweld of sterftes is aangemeld nie en die polisie was deur die nag by die myn,” het kapt. Dennis Adriao gesê.

Polisiebeamptes sal Donderdag om 08:30 ‘n mediakonferensie by die myn hou.

Duisende werkers van die myn het Vrydag met ‘n onwettige staking en betoging begin.

Tien mense – twee polisiebeamptes, twee sekuriteitsbeamptes, drie betogers en drie ander mans – is sedertdien dood.

Die betogings hou glo verband met gevegte tussen die National Union of Mineworkers en die Association of Mineworkers and Construction Union oor erkenningsooreenkomste by die myn.

– Volg Nuus24 op Twitter

 

- SAPA