Polisie, lugmag op soek na vermiste vissermanne

2012-04-20 13:00

Johannesburg – Twee mans wat langs die kus van Elandsbaai, noord van Kaapstad, gaan visvang het, is steeds vermis, het die Nasionale Seereddingsinstituut (NSRI) gesê.

Craig Lambinon, woordvoerder vir die NSRI, sê die mans het Donderdag omstreeks 16:00 Elandsbaai verlaat om te gaan visvang.

“Die motors het gebreek toe dit donker word en hulle is sedertdien uit op die see,” het hy gesê.

Hy sê die NSRI het kontak via selfoon met die vissermanne, maar die instituut kon nog nie die mans opspoor nie. Die mans weet nie waarheen die boot gedryf het nie.

Lambinon sê die polisie en die lugmag het by die soektog aangesluit.

Volg Nuus24 op Twitter   

- SAPA