Polisie hou situasie in Sasolburg dop

2013-01-22 08:20

Johannesburg – Die polisie het 'n totaal van 187 mense in hegtenis geneem in verband met onlangse betogings in Sasolburg, het die Vrystaatse polisiedepartement Dinsdagoggend gesê.

Konst. Peter Kareli het gesê dit is die totale aantal mense wat in hegtenis geneem is sedert die betogings Sondag begin het.

Geen insidente is Maandagaand aangemeld nie en die polisie hou die situasie dop.

Inwoners is ongelukkig oor planne om Sasolburg by die Ngwathe-munisipaliteit, wat Parys insluit, in te lyf.

Betogers het Maandag twee vragmotors aan die brand gesteek en twee polisiebeamptes in 'n Njala beseer ná dit in modder vasgesit het.

Waterkanonne en rubberkoeëls is gebruik om inwoners te verjaag.

– Volg Nuus24 op Twitter.

- SAPA