Polisie: Britse aktrise praat onsin
2010-01-12 01:15
Johannesburg - Die polisie in Kaapstad polisie het Maandag alle bewerings van ‘n Britse aktrise ontken wat glo deur ‘n bende aangeval en beseer is.
Victoria Smurfit, wat in die BBC-dramareeks, Ballykissangel verskyn het, het Sondag vir die eerste keer in die Irish Mail, ‘n publieke inskrywing oor die voorval gemaak.
Sy het beweer dat daar op die taxi waarin sy en haar familie gery het, geskiet is en dat haar elmboog gedurende die voorval beseer is.
"Die skoot wat gevuur is, was definitief nie vir die insittendes van die voertuig bedoel nie en dit was definitief nie ‘n bendeverwante voorval nie,” het supt. Randall Stoffels, gebiedswoordvoerder van die Kaapstad-polisie, gesê.
“Daar was geen beserings opgemerk toe sy verlede Maandag deur speurders ondervra is nie," het hy gesê.
“Ons het ‘n saak oopgemaak. Die insittendes van die taxi het ‘n harde geluid gehoor en die een ruit van die voertuig het gebars. Ons dink dat iemand in die lug opgeskiet het en die ruit getref het. Niemand is tydens die voorval beseer nie,” het Stoffels gesê.
Niemand is nog in verband met die voorval in hegtenis geneem nie en die polisie wag steeds op ‘n verslag. Smurfit beweer in haar berig dat sy deel van 'n sy bende-inisiasie was.
“Dit was ‘n skiet-‘n-toeris-dood dag en ons was toevallig in die pad,” het sy geskryf.
- Sapa