Plekname toe verkeerd gespel
2009-11-25 14:04
Durban – Die name van 19 riviere en areas in die Durban-omgewing wat verkeerd gespel is, gaan reggestel word, het die stad Woensdag gesê.
Die stad se uitvoerende komitee het Woensdag aanbevelings deur die KwaZulu-Natalse geografiese-name komitee goedgekeur om die spelling van sommige riviere en nedersettings in die eThekwini munisipale area reg te maak.
Inanda sal verander na eNanda, uMgeni Rivier na uMngeni, Amanzimtoti na eManzamtoti, Umhlanga na uMhlanga Rocks, Umlazi na eMlaza, Umhlali na eMhlali en Tongaat to oThongathi.
Die provinsiale komitee wou hê die name moet dringend verander word sodat hulle op dieselfde tyd as die naam van die nuwe lughawe in “La Mercy in gebruik geneem kan word.
- Sapa