Plaaswerkers se nuwe loon dalk gou vasgestel

2012-11-20 13:16

Johannesburg – Onderhandelings word oor twee dae gehou om 'n nuwe minimum loon vir plaaswerkers vas te stel, het RSG berig.

Musa Zondi, woordvoerder vir die departement van arbeid , sê verteenwoordigers van werkers, werkgewers en die regering sal aan die gesprekke deelneem.

Betogings oor lone het verlede week in De Doorns begin en na 15 ander nabygeleë dorpies versprei. 

Plaaswerkers in die Wes-Kaap het intussen gewaarsku dat die stakings voortgesit sal word as daar nie voldoen word aan hul eis van R150 per dag nie.

Volgens berigte is R80 die hoogste aanbod wat boere sedertdien gemaak het.

Volg Nuus24 op Twitter