Plaaswerkers se lone wéér onder vergrootglas

2013-01-14 16:20

Kaapstad – Die departement van arbeid het sy openbare sittings vir die hersiening van plaaswerkers se minimum lone verleng, en dit sal van Maandagaand oor die Wes-Kaap plaasvind.

Mokgadi Pela, die waarnemende woordvoerder, sê die eerste sitting vir die week sal om 18:00 in Grabouw plaasvind.

‘n Tweede sitting sal Dinsdagaand in die Paarl gehou word.

Sittings is ook vir die res van die week vir De Doorns, Robertson, Oudtshoorn en Vredendal beplan, maar lokale moet nog gefinaliseer word.

Die departement van arbeid het in November en Desember ‘n maand lange reeks openbare sittings gehou ná ‘n verlengde staking deur seisoenale plaaswerkers in die Wes-Kaap.

Plaaswerkers het versoek dat die daaglikse minimumloon van R69 na R150 verhoog word.

– Volg Nuus24 op Twitter

- SAPA