'Plaasmoorde is regering se skuld' – DA
2012-02-21 10:00
Johannesburg – Die dood van ‘n boer in Buffelshoek, in die Noordwes, is ‘n resultaat van die regering wat sy verantwoordelikheid teenoor die veiligheid van sy landelike burgers verontagsaam, het die Demokratiese Alliansie gesê.
“Die opvallende voorkoms van plaasaanvalle in die Noordwes, asook ander plattelandse provinsies, getuig van die kwesbaarheid van landelike Suid-Afrikaners in die afwesigheid van ordentlike, sigbare en gekoördineerde sektorpolisiëring,” het Juanita Terblanche, DA-LP, in ‘n verklaring gesê.
“Die regering verontagsaam sy verantwoordelikheid oor die veiligheid van sy landelike burgers.”
Die boer en sy vrou was Maandagoggend besig om hul koeie te melk toe hulle deur sowat vyf gewapende mans oorval is, het brig. Thulani Ngubane gesê. Die boer is doodgeskiet en die vrou is aangerand.
Beeld het die egpaar as Bernadette en David Hall geïdentifiseer.
Volg Nuus24 op Twitter
- SAPA