Plaasaanval: Regter sou doodstraf gee

2012-05-28 13:50

Johannesburg – As die doodstraf nie in Suid-Afrika afgeskaf was nie, sou ’n regter twee plaasaanvallers op Ermelo ’n galgdood opgelê het, het landbou-organisasie TLU SA gesê.

Henry Geldenhuys, ondervoorsitter van TLU SA se oos-streek, sê regter Sam Hallet het hom verlede week ernstig uitgespreek teen die plaasaanvalle en -moorde wat landelike gemeenskappe bedreig, het Landbou.com berig.

“Hallet het gesê plaasaanvalle en -moorde het so algemeen geword dat mense hulle nie juis meer daaraan steur nie en dat dit tyd is dat ’n hof ’n streep trek deur die swaarste moontlike straf op te lê,” vertel Geldenhuys.

Hallet het Piet en Rita Botes, van die distrik Davel, se aanvallers elkeen ’n vonnis van 35 jaar tronkstraf opgelê.

Die bejaarde egpaar is op 12 November 2011 wreed aangeval en geroof.

Lees meer hier

Volg Nuus24 op Twitter