Pikoli-saak skik buite hof
2009-11-21 22:07
Johannesburg - Vusi Pikoli, die afgedankte hoof van die nasionale vervolgingsgesag, sal wegstap met R7.5 miljoen nadat ‘n skikking buite die hof aangegaan is, het die regering Saterdag aangekondig.
Dié skikking kom slegs twee dae voor die saak in die hooggeregshof sou verskyn.
"Die twee partye erken dat daar probleme in hul verhouding was en wil graag dié verhouding herstel en een van gemeenskaplike vertroue en respek bou,” het Vincent Magwenya, woordvoerder vir die presedent gesê.
Volgens die ooreenkoms sal Pikoli sy hofaansoek terugtrek.
Hy het in Augustus vanjaar ‘n dringende aansoek by die hof ingedien om die aanstelling van sy opvolger te verhoed en ook die besluit om hom af te dank uit te daag.
- Sapa