Pikoli nou Gobodo forensiese hoof
2010-08-04 12:33
Johannesburg - Die voormalige direkteur van openbare vervolging, Vusi Pikoli, is aangewys as hoof van die Gobodo forensiese eenheid, het dié onderneming Woensdag gesê.
Gobodo se uitvoerende beampte, Nonkululeko Godobo, sê Pikoli se aanwysing val saam met die uitbreiding van die firma se forensiese eenheid.
“Goeie regering en deursigtigheid het al meer kritiek geword in hierdie era van toenemende bedrog en korrupsie,” het sy gesê.
Pikoli, wat al meer as 20 jaar met die wet doenig is, is destyds deur oudpres. Thabo Mbeki geskors omdat hy nie wou afsien van die voormalige polisiehoof Jackie Selebi se vervolging nie.
Selebi is Dinsdag tot 15 jaar tronkstraf gevonnis vir korrupsie.
Gobodo is in 1996 gestig deur ‘n groep swart geoktrooieerde rekenmeesters.
Pikoli begin vandeesmaand as hoof van die eenheid begin werk.
- Sapa