Pikoli-interdik vandag beslis
2009-08-11 08:27
Johannesburg – Die Pretoria-hooggeregshof sal beslis of pres. Jacob Zuma ‘n nuwe direkteur van openbare vervolging (DOV)mag aanstel terwyl regskasie deur die afgedankte DOV steeds hangend is.
Vusi Pikoli, voormalige DOV, wil hê die hof moet ‘n tydelike bevel uitreik wat Jacob Zuma verhoed om ‘n opvolger in dié posisie aan te stel.
Pikoli voer aan dat sy afdanking ongrondwetlik is en wil hê dié bevel moet in plek bly tot uitspraak in dié saak gelewer is.
Die aansoek sal tussen 23 en 25 November verhoor word.
As die hof Dinsdag Pikoli se interdik toestaan, sal Mokotedi Mpshe, waarnemende DOV, tot na die verhoor in November dié posisie beklee.
Zuma kan ‘n opvolger aanstel sonder om te wag vir die uitspraak teen sy afdanking as die hof Pikoli se aansoek om die interdik verwerp.
– Sapa