Phosa soek teenkorrupsie-kommissie
2011-09-26 09:15
Johannesburg – Mathews Phosa, tesourier-generaal van die ANC, wil 'n teenkorrupsie-kommissie hê wat kan ingryp by onreëlmatige tenders voor dit gefinaliseer word.
The Star het Maandag berig dat Phosa die afgelope naweek by 'n geldinsameling in Rustenburg gesê het dit is tyd om "strenger" te raak met korrupsie.
"Ek glo een van die alternatiewe wat die regering kan oorweeg is die aanstelling van 'n teenkorrupsie-kommissie wat die mag het om enige tyd tydens 'n tenderproses in te gryp om duidelikheid van die rolspelers te verkry," het hy gesê.
"Die ingrypings wat ons tans het, is te laat en word gedoen wanneer miljoene reeds vermors is. Ons moet enige beampte of sake-entiteit in enige stadium kan inroep om duidelikheid, inligting en dokumentasie te eis."
– Volg Nuus24 op Twitter
- SAPA