Petroltekort 'binnekort opgelos'
2012-02-01 14:32
Johannesburg – Die druk op brandstofverskaffers behoort teen die begin van volgende week te verminder, het dieSuid-Afrikaanse Petroleum-kleinhandelaarsvereniging Woensdag gesê.
“Ons sal teen Dinsdag weer aan die gang wees,” het Peter Noke, die vereniging se nasionale direkteur, gesê.
Dit volg nadat motoriste glo by talle vulstasies gesukkel het om brandstof te kry.
“Daar is voorraad wat rondgaan. Daar is verseker geen rede om uit paniek te koop nie, dit is die laaste ding wat ons nou nodig het.”
Noke het ontken dat sommige van die tekorte die gevolg is van verskaffers wat voorraad terug hou om wins te maak uit die prysverhoging wat sedert Woensdag ingetree het.
“Daar is ‘n indruk dat verskaffers skelm is, maar dit is nie die geval nie,” het hy gesê.
Die probleem is grotendeels veroorsaak deur moeilikheid tydens beplande instandhoudingswerk by die SA-petrolraffinadery in Durban en probleme by ‘n raffinadery in die Wes-Kaap.
Daar was ook ‘n groot vraag na petrol voor die prysverhoging middernag.
– Volg Nuus24 op Twitter
- SAPA