Petrolpompe loop droog
2011-07-13 10:01
Johannesburg – Verskeie vulstasies is weens die staking van die vakbond Chemical, Energy, Paper, Printing, Wood and Allied Workers’ Union (Ceppwawu) in die knyp. Talle petrolpompe in Gauteng het reeds leeggeloop.
Ceppwawu, Giwusa en Sacwu eis 'n verhoging van tussen 11 en 13%, terwyl werkgewers tussen 4 en 7% aanbied. Daar is tans geen onderhandelings tussen die twee partye nie.
Betogers het Dinsdag 'n versoekskrif aan verteenwoordigers van die werkgewers oorhandig.
Peter Noke, nasionale direkteur van die Suid-Afrikaanse Petroleum-kleinhandelaarsvereniging, het 'n beroep op stakende werkers gedoen om die nywerheidsaksie op te los.
Sowat 70 000 werkers in die petroleumsektor het verlede week begin staak.
– Lees meer hier
– Volg Nuus24 op Twitter