Petrol gaan beursies ruk
2012-01-24 09:00
Kaapstad – Die prys van petrol gaan na verwagting aanstaande maand skerp styg.
Elize Kruger, ‘n ekonoom van KADD Capital, sê die petrolprys kan met tot soveel as 34 c per liter in Februarie styg, het RSG berig.
Kruger sê dit is weens die styging in die internasionale ru-olieprys.
Sy sê hoewel die rand in Januarie teenoor die Amerikaanse dollar verstewig het, is dit oorskadu deur die hoër olieprys.
Kruger sê duurder brandstof is 'n terugslag vir verbruikersinflasie en sal huishoudelike besteding ook onder druk plaas, het die radiostasie berig.
Sy verwag dat die prys van diesel onveranderd sal bly, terwyl paraffien met sowat 3 c per liter duurder sal wees.
Volg Nuus24 op Twitter