'Perde-swendelaar' in hof
2009-12-01 16:45
Kaapstad - 'n Man wat daarvan aangekla word dat hy 'n valse perdwedrenmaatskappy gestig en mense bedrieg het om vir hom geld te gee, het Dinsdag in die Bellville-handelshof verskyn.
Jacques Giueseppe Mangiagalli (41) van Parow is gewaarsku om weer op 28 Januarie in die hof te verskyn.
Faith Jason-Twala, staatsaanklaer, voer aan dat hy valslik die National Racing Services oopgemaak het.
In April het hy glo 'n advertensie in Die Burger geplaas waar hy beleggingsgeleenthede aanbied wat die belegger se kapitaal binne 90 dae verdubbel.
In Mei het hy nóg 'n advertensie in dié koerant geplaas waarin hy sê beleggers kan 'n vaste inkomste vir vyf jaar verdien.
Die advertensie het gesê 'n belegging van R100 000 sal 'n maandelikse inkomste van R6500 verseker, R250 000 sou 'n maandelikse bedrag van R20 000 verseker en 'n belegging van R500 000 sou 'n bedrag van R50 000 verseker.
Die minimum bedrag wat mense kon belê was R100 000.
Jason-Twala het die name van ses slagoffers genoem. Hulle is: Robert Wheeler, Casparus Rossouw, Louis Marais, Maria Kroese, Pieter Walters en Johannes de Bruyn.
Sy voer aan dat Mangiagalli vir die slagoffers gejok en as die eienaar van National Racing Services voorgedoen het. Hy het aan sy slagoffers gesê hy koop en verkoop resiesperde.
Die staat beweer hy het hulle valslik ingelig dat hy deur sy onderneming geld op wednperde kan sit en hul geld belê.
Jason-Twala het verder aangevoer dat Mangiagalli nooit die geld wou belê nie en was nie geregtig om die beleggings vir sy eie gewin te gebruik nie.
– Sapa