Pastoriemoord: Seun voel ouers het hom verwerp
2012-11-13 07:00
Harrismith – 'n Inwoner het gesê daar was baie spanning in die Brits-gesin nadat Martin, wat weens bedrog veroordeel is, in Mei vanjaar op parool vrygelaat is, berig Volksblad.
Die inwoner, wat verkies om anoniem te bly, het aan die koerant gesê hy het saam met Willem en Dorothea Brits se aangenome kinders grootgeword.
Hy sê Martin was ’n “mamma’s boy” op skool en volgens hom het dinge ná skool begin skeefloop.
Hy sê daar was baie spanning in die Brits-gesin toe Martin uit die tronk gekom het.
“Hy was ’n verleentheid.”
Nadat Martin vrygelaat is, het hy glo gesê sy ouers het hom verwerp.
Die dominee en sy aanstaande skoonseun, Gerhardus Vermeulen, is verlede week in sy pastoriehuis vermoor en sy vrou, Dorothea, is erg aangerand.
Martin en Elliot Mhlambi, wat hy in die tronk ontmoet het, is weens die moorde in hegtenis geneem en sal weer op 19 November in die hof verskyn.
– Volg Nuus24 op Twitter
