Pastoriemoord: Leraar se vrou steeds in koma
2012-11-19 16:48
Harrismith – Die vrou van die vermoorde ds. Willem Brink het nog nie haar bewussyn herwin nie, en sal Maandag nog 'n breinskandering ondergaan, het Amanda Appelgryn, woordvoerder vir Mediclinic Bloemfontein, gesê.
Appelgryn het gesê afhangend van dié resultate, sal hulle Dorothea Brits geleidelik van die ventilator begin speen en haar sedasie verminder, berig OFM.
Dorothea is ook onbewus van die gebeure.
Die dominee en sy aanstaande skoonseun, Gerhardus Vermeulen, is twee weke gelede in sy pastoriehuis vermoor en sy vrou, Dorothea, is erg aangerand.
Die Brits-egpaar se aangenome seun, Martin, en Elliot Mhlambi (41) is intussen in verband met die moorde aangekla en het Maandag weer in die hof verskyn.
Mhlambi het aanvanklik aangedui dat hy om borgtog gaan aansoek doen, maar sy regsverteenwoordiger het hom intussen aanbeveel om die aansoek te laat vaar, omdat dit heel waarskynlik onsuksesvol sou wees.
Die saak is tot 12 Desember uitgestel.
– Lees meer hier
– Volg Nuus24 op Twitter
