Pastorie-moord: Seun weer in hof

2012-11-19 14:50

Bloemfontein – Twee mans het weer in die Harrismith-landdroshof verskyn in verband met die moord op ds. Willem Brits.

Die aangenome kind van die dominee, Martin Brits (28), en Elliot Mhlambi (41), het vlugtig in die hof verskyn voordat die saak tot 12 Desember uitgestel is.

Die twee staan tereg op aanklagte wat verband hou met die aanval waarin Willem Brits (60) vermoor is.

Sers. Mmako Mophiring, ‘n polisiewoordvoerder, sê albei mans het verlede jaar tronkstraf in Frankfort in die Vrystaat uitgedien. Mhlambi het as gevolg van ‘n kaping tyd agter tralies deurgebring, terwyl Brits vir diefstal in die tronk was. Mophiring sê Brits is later op parool vrygelaat.

Die dominee se aanstaande skoonseun, Gerhard Vermeulen (25), het ook in die aanval gesterf. Hy is in die kop geskiet en het op die toneel gesterf.

Brits sr. is gewond en na ‘n hospitaal geneem waar hy die volgende dag gesterf het. Sy 59-jarige vrou het kritieke beserings opgedoen.

Volg Nuus24 op Twitter  

- SAPA