Pastoor wat glo verkrag kry borgtog

2012-12-04 16:01

Johannesburg – 'n Pastoor van Soweto wat na bewering 'n 12-jarige meisie verkrag en twee ander onsedelik aangerand het, is Dinsdag in die Protea-landdroshof borgtog toegestaan, het die polisie gesê.

Die 62-jarige is op borgtog van R6 000 vrygelaat en die saak is tot 11 Januarie uitgestel, het ao. Kay Makhubela gesê.

Die pastoor is verlede week in hegtenis geneem nadat hy glo die 12-jarige verkrag en twee ander meisies (13 en 15 jaar oud) onsedelik aangerand het.

Die 12-jarige het onderwysers by die skool van die voorval in kennis gestel, waarna die onderwysers die polisie ontbied het.

Dié meisie het haar ma 'n maand vantevore gesê sy is verkrag, maar haar ma het haar nie geglo nie.

Die twee ander meisies het na vore gekom nadat die 12-jarige die saak aangemeld het, het Makhubela gesê.
     
– Volg Nuus24 op Twitter

- SAPA