Evangelis in hof vir diefstal van R4 m
2011-10-17 22:04
Kaapstad – ‘n Kaapse evangelis van die Nuwe Apostoliese Kerk in Durbanville, wat na bewering R4 miljoen van twee van sy gemeentelede gesteel het, het Maandag vir die tweede keer in die spesiale hof vir kommersiële misdade in Bellville verskyn.
Craig Freeman is nie gevra om te pleit toe hy voor landdros Amrith Chabilall verskyn het nie, maar William Booth, vir die verdediging, het aan die hof gesê hy hoop om met die staat te onderhandel vir ‘n pleitooreenkoms.
In verrigtinge van dié soort moet alle betrokke partye, insluitende die landdros, ooreenstem oor die vonnis wat opgelê moet word.
Die saak is tot 11 November uitgestel.
- Volg Nuus24 op Twitter
- SAPA