Pasiënte ontruim hospitaal ná bomdreigment
2011-02-14 23:00
Pretoria - Tientalle pasiënte by die Montana-hospitaal in die noorde van Pretoria moes die gebou glo ontruim nadat die polisie ‘n bomdreigement ontvang het, het RSG Maandagaand berig.
Na bewering het die polisie ‘n naamlose operoep op hulle 10111-noodnommer ontvang.
Die polisie se honde-eenheid het die hospitaal deursoek maar het niks gekry nie.
Volgens Mande Toubkin, 'n woordvoeder by die hospitaal, moes hulle het meer as 'n honderd pasiënte uit die hospitaal ontruim.
“Dit is nie maklik om siek en swak pasiënte te verskuif nie,” het Toubkin gesê.
Volg Nuus24 op Twitter.