Pasgebore baba in veld gevind
2009-12-08 22:05
Johannesburg – ‘n Pasgebore baba dogtertjie is Dinsdag in die veld in De Deur in die suide van Johannesburg gevind, het die polisie gesê.
Volgens kapt. Shado Mashobane, polisiewoordvoerder, het ‘n agttienjarige die baba hoor huil en haar in die veld gevind waar sy in plastieksakke toegedraai was.
“Die polisie is gekontak en die baba is na ‘n naby geleë kliniek geneem en later na die Kopanong-hospitaal oorgeplaas. Volgens die dokters gaan dit goed met haar.
Die polisie ondersoek die saak verder.
–Sapa